آسمان پر اڑنےوالا جاڑو یا کچھ اور

آسمان پر ایک عجیب و غریب شے دیکھی جس کی ویڈیو سوشل میڈیا پر وائرل ہوگئی، ویڈیو میں آسمان پر ایک اڑتی ہوئی جھاڑو نمایاں ہے۔سوشل میڈیا پر وائرل ہونے والی اس ویڈیو میں ایک ڈیلیوری ڈرائیور جو اپنی ڈیوٹی پر ہے کہتا دکھائی دیتا ہے کہ میں نے آسمان پر ایک عجیب و غریب شے دیکھی ہے۔

اس کے بعد وہ کیمرے کا رخ تبدیل کرتا ہے اور آسمان پر اڑتی ایک جھاڑو دکھاتا ہے، جھاڑو بالکل ویسی ہے جو جادوئی فلموں میں دکھائی جاتی ہے جس پر کوئی شخص سواری کر رہا ہوتا ہے۔

ڈرائیور کا کہنا ہے کہ اس جھاڑو کے ساتھ کہیں سے کوئی تار منسلک نہیں ہے اور یہ ہوا میں معلق ہے، تاہم کبھی کبھار حرکت کرتی بھی دکھائی دے رہی ہے۔

مذکورہ ویڈیو سوشل میڈیا پر وائرل ہوگئی، بعض افراد نے اسے مشہور فلم ہیری پوٹر میں دکھائی جانے والی صورتحال سے مشابہہ قرار دیا، ایک صارف نے کمنٹ کیا کہ اس جھاڑو پر ہیری پوٹر اپنی سلیمانی چادر پہنے سوار ہے اور کسی کو دکھائی نہیں دے رہا۔